پوراني، ميرڪ سيد تقي الدين محمد: سيد تقي الدين، محمد بن عبدالاول جو ٽيون نمبر فرزند هو. هن 17 ربيع الاول 1062هه/ 17 فيبروري 1652ع ۾ جنم ورتو. ان وقت ميرزا لعل بيگ مغل سرڪار پاران بکر جو فوجدار مقرر هو. سيد تقي الدين پنهنجي سڄي زندگي پرهيزگاريءَ ۽ عبادت الاهيءَ ۾ گذاري، وڏو زاهد شخص هو. پاڻ پنهنجي وڏن وانگر حد درجي جو سخي ۽ درياهه دل انسان هو. سندس درياهه دليءَ ۽ سخاوت جي ڪري ئي کيس ان دور ۾ ”حاتم آخر زمان“ جي لقب سان ياد ڪيو ويندو هو. ميرڪ تقي الدين درويشيءَ ۽ بزرگيءَ سان گڏ، وقت جي وڏن اميرن ۽ وزيرن سان چڱي ڏيٺ ويٺ رکندڙ هو، سير ۽ سفر جو شوقين هو. سير ۽ سفر دوران ملتان ۾ به ويو، جتي شادي ڪيائين، هن بزرگ پهرين شوال 1135هه/ 24 جون 1723ع ۾ وفات ڪئي. ڪنهن شاعر سندس وفات تي هي قطعه تاريخ چئي:
چون تقي الدين محمد زين جهان رحلت نمود
حـق تـعـالـيٰ داد ويـرا جـاي در الـخـلــود
سال تاريخ وفاتش راهمي جستم ز عقل
”عقل گفتا فوت اورا يوم عيد فطربود“
1135 هه
1652.02.17 عيسوي
سيد تقي الدين، محمد بن عبدالاول جو ٽيون نمبر فرزند هو. هن 17 ربيع الاول 1062هه/ 17 فيبروري 1652ع ۾ جنم ورتو.
1723.06.24 عيسوي
سيد تقي الدين پهرين شوال 1135هه/ 24 جون 1723ع ۾ وفات ڪئي.